Category Archives: Tölvutengt

Þjónustuaðilar

Posted by on desember 30, 2015 No comments

Jæja, þar kom að því – einhvern tíman þurfti ég að missa þolinmæðina gagnvart nýja eigandanum á TAL. Og það er búið að gerast. Þegar síma+internet reikningarnir hafa hækkað um meira en 120% á tveimur árum á meðan þjónustan hefur stigmagnandi versnað, þá hef ég fjárhagslega og andlega gefist upp fyrir þeim. Ég er alveg hættur að eiga viðskipti við 365 miðla og lýsi innilega yfir samúð til handa þeim sem enn eru fastir í hítinni.

Hvert fór ég svo? Jú, eftir mikið japl, jamm og fuður hjá heimilinu var ákveðið að skella í góm og prófa Hringdu. Fram að þessu hafa þeir verið alveg smjör-liprir og flutningurinn gekk nánast sársaukalaust. Það var satt að segja lang stærsta þrautin í þarmi að skila gamla beininum til 365!

„Gó figjör“

OneNote push fyrir WordPress

Posted by on maí 22, 2015 No comments

Það er dálítið svalt að núna er hægt með official viðbót við WordPress hægt að ýta efni með „einum“ smelli út á bloggið úr OneNote.

http://www.winbeta.org/news/onenote-expands-its-partnerships-cloudhq-equil-and-wordpress-0

 

Á döfinni – hjá Microsoft

Posted by on mars 17, 2015 No comments

Windows 10 er á leiðinni – eins og væntanlega hefur ekki farið framhjá neinum sem les netheima. Ég ákvað að brjóta odd af oflæti mínu og prófa það (enda verið iðinn við að prófa Windows í gegnum tíðina þótt ég hafi ekki alltaf notað það). Og það má alveg segja þeim til bóta hjá Microsoft að tían ætlar að stefna í að vera alveg ágæt. Það er þó sumt sem núir mér móthárs.

1) Tungumálastuðningur – það er ENN ekki boðið upp á íslenska handskrift

2) Svæðastuðningur – heimurinn er enn í litlum hólfum hjá Microsoft. Það er passé. „… may not be supported in your region“ er ekki eitthvað sem maður á að sjá í flunkunýju kerfi árið 2015.

3) Sjálfgefinn tækjastuðningur – það ætti að vera orðið frekar staðlað á síðustu misserum hvernig tæki eru spurð um getu sína. Þannig ætti ekki að vera flókið að spyrja tölvuskjá hvaða upplausn hann styður eða hljóðkort hvað það hefur mikla möguleika til eins eða annars – og taka mið af því. En ekki alveg – það kemur með „uppfærslum“ sem „reklar“.

En, þetta er amk á góðri leið – þeir eiga eina og aðra rúsínu þarna.

Að bæta við forritum í tækjastikuna á Finder

Posted by on febrúar 7, 2015 No comments

Ekkert mál – nema, ef þú ert með Yosemite ( 10.10.x ).

Eða… næstum.

add_apps_finder

 

Opnaðu tvo Finder glugga. Í öðrum glugganum, hægrismelltu á tækjastikuna og veldu „Customize Toolbar…“. Í hinum glugganum ferðu í möppuna þar sem forritið sem þú vilt setja í tækjastikuna er, og dregur svo forritið yfir í tækjastikuna á hinum glugganum – á þann stað sem þú vilt hafa það.

Velur svo „Done“ til að loka tækjastikubreytingarsprettiglugganum og tækjastikan með forritinu er orðin klár til notkunar.

XEN – Gotta loveit.

Posted by on janúar 15, 2015 No comments

Ég er búinn að vera glíma við XEN uppsetninguna í Ubuntu. Ég er ekki viss um að þeir hafi hugsað þessa uppsetningu til enda – sérlega ekki þegar „beisik“ hlutir eins og að búa til einfalda sýndarvél virka ekki „eins og í leiðbeiningunum“. Gee-whiz!

Aftur að teikniborðinu.

Eitt teraflop í snjallsímanum?

Posted by on janúar 5, 2015 No comments

Það hefði þótt fáheyrt fyrir nokkrum árum síðan að tala um eitt teraflop ( „flop“ þýðir „floating point operation“ eða „fleytitöluaðgerð“ – og tera stendur fyrir evrópskri billjón, eða milljón milljónum ) í borðtölvu. Afköst á öflugustu ofurtölvum heims árið 2005 voru þannig að tíunda öflugasta vél heims mældist 20 teraflop (TFLOP) og sú öflugasta ekki nema 183.5 TFLOP. Sú öflugasta notaðist við 716kW orku til að halda sér gangandi.

Í dag þarf 20 snjallsíma með nVidia X1 kubbnum til að keppa við tíundu öflugustu vél heims ársins 2005. Á tíu árum hefur tækninni fleygt svo fram að aflið sem fékkst út úr heilli vöruskemmu ( 5000 örgjörvum ) af tölvum er komið í vasabrotsstærð. Bókstaflega.

Eigum við að eiga von á því að tíunda stærsta vél heims árið 2014 verði komin í vasabrotsstærð árið 2024 ? ( hún er 6.1 peta-flop ( 6.131 TFLOP ) og er með 72800 örgjörva )

Eða eigum við kannski að bíða í 15 ár og fá öflugustu vél heims árið 2014 í eitt símtæki? (sú er tæp 55 PFLOP með rúmar 3 milljónir örgjörva!)

Nvidia unveils Tegra X1 ‘superchip’ at CES 2015 – CNET.

Þá fer að verða erfiðara fyrir íslendinga að nota Netflix.

Posted by on janúar 4, 2015 No comments

Netflix Cracks Down On VPN and Proxy „Pirates“ – Slashdot.

Lausnin felst í því að vera með eigin eldvegg og eigin DNS. Banna síðan alla DNS umferð í gegnum eldvegginn nema frá eigin DNS – og setja upp túlkunarreglu fyrir 8.8.8.8 sem vísar öllu yfir á innri DNSinn.

VPNið verður svo að vera frá eldveggnum – ekki frá client vélum – og muna að setja upp routing reglurnar þannig að bara netflix-tengd umferð fari í gegnum VPNið.

convert2mp3.net - download your music for free - online video converter